كلمات انشودة بديت انساك يا لون السعادة " كاملة "

جنون الليل خيم في سواده
وماتت دمعتي في وسط عيني 
قلوب وسطها جهل وبلاده
تقاليد تقطع في وتيني

بديت انساك يا لون السعادة 
ظروف فاصلة بينك وبيني 
بكيت ودمعتي بالعين عاده
سببها واحد من والديني :"(

وحزني ماخذ كل الريادة 
وهمي لو نسيته ما نسيني
كبرت وما كبرت إلا قراده 
وكن الجرح واضح في جبيني

عمر خمسة عشر مابه زياده
ولكن ضافها حزن يجيني 
تفرعن والدي ظلم وجلاده 
تقاليد ماهي من شرع ديني 

وزوجني لواحد من عناده 
سنين واجده بينه وبيني 
بياض الرأس زايد عن سواده 
على ضره عنيده ما تبيني

حملت وجبت مولود بسعادة
فرحت وقلت هاتي يا سنيني
يتيمه فرحتي هم ونكاده
ولكن بعدها يخطف جنيني

أخذ مني صغيري في مهاده
عطاه لضرتي قدام عيني 
سكت وقلت يهنى في مراده
بكيت وقلت وش تقدر يديني

وجبت الثاني ابتالي رماده 
وخفت أن راح يذبحني حنيني
وشاله والده غصب بعتاده
وانا همي بعدهم يكتسيني 

حملت بمن ملت قلبي وغاده
وقلت الموت لا راحت يجيني 
خطفها ما عرف معنى العباده
وسلمها لها واكفل عيني

بكيت وقلت وش ترجي حصاده
وتمتم مكفي في كلمتين
اخذتك مصنع إنجاب وولاده 
ولكن ما حسبتك تفهميني

وسالت دمعتي فوق الوساده
بكيت وما بكيت إلا سنيني
انا أم اطفال بأوراق وشهادة 
ولكن الأمومة ما تجيني

لو اسمع من جمانه قول دادا
حكايتها ترد الروح فيني
جمانه طفلتي مابي زياده
طلبتك يا جمانه تسمعيني

انا أمك يا منى القلب ومراده
وطيفك ما رحل من وسط عيني
وما يملك خفوقي من ركاده
تحول للجنون بلحضتين

متى حظي يبي يسرق جواده
تعبت ولا أحد ماخذ يديني
جمانه طفلتي مابي زياده
طلبتك يا جمانه تسمعيني
............انتهى ...........

Noxi كتب:

السلام عليكم

جمييلة الكلمات

وتحزّن بشكل ؛-؛ 

أكثر مقطع أعجبني 

"انا أم اطفال بأوراق وشهادة 

ولكن الأمومة ما تجيني " 

جانآ 

يب تعجبني ه الأنشودة ._." عشان حزينة وكذا 
شكرا للمرور 
نورتي موضوعي ~~