راحت سلوم الناس والكل ناسيه...عهد الموده والتصافي فقدناه
خطو الولد ابوه شفق يلاقيه...يقول ماشفته له ايام ماجاه
اميمته تبكي الولد وين الاقيه...وليدي ثمر قلبي الا وين بلقاه
مع حرمته قاعد ولا سائل فيه...والام ناسيها تري جاهه ملهاه
والاخو هو واخوه شحناء وتكريه....مطامع الدنيا وكل قطع ماه
الارحام قطعت والطمع صاير فيه...الا وين بلقي لي رفيق مصافاه
رفقة مصالح كم يعطي وتعطيه...مع حبة للخشم والراس وجباه
ياشيب عيني من زماني وطاريه...ويجزا زمان راح واحلو طرياه
في مامضى تلقى المراجل تباريه...عز ومعزه صافي الود وهداه
الكل منهم ينثني دون معانيه...متدين في حشمه الضيف وقراه
خطو الولد من قبل عشرة تلقاه...في دبرت الوالد اذا احتاج يلقاه
بياض وجه وعز لك تفتخر فيه..يفاخر بني جنسه على العز والجاه
والبنت نشميه وكل شي تسويه...طبع امها والعود تاخذ سجاياه
وفي حشمه للزوج دايم تراضيه...وربها وعبادته تطلب رضاه
يا الله ياعالم سري وخافيه..يامحصي خلقه من ادناه واقصاه
انك توجهها على خير وتوجيه...وستر على عبدك بدنياه واخراه
وصلاتي على المختار حق او اديه...والصحب هم والال من يتبع هداه
لا اله الا انت سبحانك اني كنت من الظالمين
الحمدلله على كل حال ^_^
الثلاثاء أغسطس 27, 2024 8:44 pm 
.:.:.:.:.:.:.:. 
